Шекеринска: Овој НАТО Самит беше историски за земјава

„Ова беше историски самит. Ќе остане во аналите како наша прва шанса не само да сте на масата, туку да бидете присутни во целиот процес“, рече вечерва министерката за одбрана Радмила Шекеринска во врска со првиот Самит на Алијансата на кој земјава учествуваше како рамноправна членка.

-Огромна е промената од тоа да бидете некаде во Коминикето спомнати како држава во конфликт, како држава со надеж дека ќе стане членка која на крај заврши со вето и да се провлекувате се подолу на агендата само со политичка желба дека некогаш ќе станете членка, до оваа ситуација кога членството на Северна Македонија во НАТО се смета како еден од успесите на Алијансата и како доказ дека отворените врати не биле само теоретски, истакна Шекеринска.

Прашањето за спорот со Бугарија и почнувањето на преговорите со ЕУ од нашата страна, според министерката, се отворило на секоја од билатералните средби, и официјални и неофицијални, и на „масата“ и во ходниците.

-Ова беше прашање со кое почнувавме и завршувавме. Консензусот е многу силен и во рамките на НАТО и во групата земји-членки на ЕУ дека е тоа навистина неопходно, потенцира Шекеринска, навраќајки се на изјавата на францускиот претседател Макрон кој кажа дека земјава заслужи почеток на преговорите.

Овој пат, додаде Шекеринска, беше јасно дека Франција нема да блокира, но изјавата на Макрон не е доволна.

-Ние овој проблем и со поддршка на НАТО и со поддршка на членките на ЕУ мора да го решаваме. Тоа не значи дека треба да бидеме наивни и да мислиме дека некој друг ќе дојде со пакетчето и ќе каже „ова е решението“. Прво ние треба да бидеме најзаинтерсирани за решение, а второ, мора да бараме дополнителен ангажман и од страна на европските партнери. За нас е многу важна поддршката на Франција која ќе биде малку посуштинска да си ја одработиме и дополнително, не да зависиме од тоа дали францускиот претседател ќе има резерви околу проширувањето на ЕУ, околу нас или околу Албанија. Земјава мора да ја заврши и својата домашна задача, рече Шекеринска.

Нашиот проблем, напомена, е политички. Последниов период инвестиравме во повеќе контакти и обиди да ја заинтересираме Франција, што вроди со плод. Членството во НАТО, пак, е важниот влог за членството во ЕУ да биде достижно.

-За да побарате помош  не треба да треснете на масата. Доволно е да ги кажете своите аргументи. На Самитот беше спомнато и многу отворено дека целта на НАТО не е само пасивизирање на регионот, туку и шанса за негов напредок. Самитот изобилуваше и со коментари колку НАТО и ЕУ треба заеднички да работат, истакна министерката.

На НАТО Самитот, како што информира Шекеринска, неколку претседатели на земји членки предложиле годинава, кога ќе се работи на новиот стратешки концепт на Алијансата, да се дискутира за потребата државите да се обврзат на вид етички кодекс или кодекс на однесување при што клучното прашање би било да имаат многу попроактивен однос во решавањето на меѓусебните проблеми. 

реклама

За два дена, на Гренланд се стопи доволно мраз за да ја потопи Флорида

Read more

Шоферски дилеми: Дали смеете да прескокнувате брзини?

Read more

За ова гледаме Олимпијада: Со договор, две злата за скок во височина

Read more

Зошто Германците ќе ги климатизираат патиштата?

Read more

Македонија

Пригодна државна програма утре во Скопје, Крушево и Пелинце за чествување на 2 Август

Read more

На граничниот премин „Богородица“ за излез од државата се чека околу еден час

Read more

Продолжува портокаловата фаза, температури до 43°C

Read more

Нови 81 случај на COVID-19 во земјава

Read more
 

Вести

Pfizer и Moderna ги зголемија цените на вакцините за ЕУ

Читај повеќе

Пригодна државна програма утре во Скопје, Крушево и Пелинце за чествување на 2 Август

Читај повеќе

На граничниот премин „Богородица“ за излез од државата се чека околу еден час

Читај повеќе

Спречен меѓународен транспорт на дрога во вредност од околу 250.000 евра

Читај повеќе

Уапсен осомничен за подметнување на пожарите во Турција

Читај повеќе

Нови КОВИД правила за влез во Германија

Читај повеќе

Ширењето на делта сојот ги тресе светските берзи

Читај повеќе

Момче прободено во викенд куќа во каменичко

Читај повеќе
  • play_arrow
  • filter

Солзавец за Французите кои протестираат против КОВИД пропусницата

Читај повеќе