Славната пејачка Шер на Twitter сподели фотографија од нејзиното 40 години помладото момче Александар Едвардс, објаснувајќи дека „љубовта не знае математика“.
„Ова им изгледа чудно на другите, па дури и на мене, но љубовта не знае математика“, порача таа.
Една корисничка на Twitter ја праша кои се најдобрите особини на нејзиниот нов партнер, а 76-годишната пејачка одговори дека таа и нејзиниот 36-годишен дечко се „бакнуваат како тинејџери“.
Во врска се два месеци, а веќе го запознала и неговото семејство
„Тој е љубезен, паметен, смешен и се бакнуваме како тинејџери“, напиша пејачката за Едвардс, со кој се забавува речиси два месеци, откако го запозна за време на Модната недела во Париз.
Шер претходно на Twitter ја потврди врската со помладиот музички продуцент. Пред неколку дена сподели фотографија од него и напиша дека ја третира „како кралица“.