Шкотите разочарани од Максимир: Поздрав од најгрдиот стадион во Европа

Не поминува многу, а некој од европските гиганти да не се пожали на состојбата на теренот и изгледот на „Максимир“ на гостувањето кај Динамо во Загреб. Така, овој стадион за кратко време го доби епитетот „најгрдиот во Европа“. 

Ниту на Селтик не му се допадна „Максимир“, играчите на овој тим имаа многу замерки на самиот изглед, но и на придружната содржина околу стадионот во главниот град на Хрватска.

Петер Шмајхел претходно истакна дека станува збор за „изненадувачки лош стадион“ и нагласи дека фудбалските клубови од таква „богата земја“ ќе мора да изградат нов, модерен стадион.

Интересно е и тоа што една трибина на стадионот во Загреб беше затворена за употреба по земјотресот, бидејќи не е безбедна. Тогаш се поставува прашањето како УЕФА сето ова му го толерира на Динамо. 

Забелешка за стадионот имаше и Џо Харт, кој заедно со новинарот во етерот рече:

„Поздрав од најгрдиот стадион во Европа, како што рече еден таксист“, очигледно алудирајќи дека самите Загрепчани не се задоволни од изгледот на Максимир.

Инаку, синоќа Селтик одигра без голови против Динамо за кој 90 минути на теренот мина нашиот Стефан Ристовски, и тоа како капитен. Аријан Адеми не беше во комбинација поради повреда. За шкотскиот шампион на голот беше Каспер, синот на Петер Шмајхел.