Шоу на Шакира на финалето од Копа Америка: Изведбата вклучуваше ВИ елементи

Колумбиската пејачка Шакира синоќа настапи на полувремето од финалето на Копа Америка на стадионот „Хард Рок“ во Мајами Гарденс и воодушеви со својата енергична изведба и специјалните ефекти.

Нејзиниот настап вклучуваше и елементи со вештачка интелигенција, како  завивање на голема волчицата на самиот почеток на настапот, по што на сцената се појавила колумбиската пејачка.

Шакира пристигна во блескава комбинација од сребрен топ, кратко здолниште и соодветни чизми.

За време на изведбата на енергичната песна за отворање и хитот кој ја одбележа нејзината кариера „Hips Don't Lie“, и се придружи толпа танчери, а пиротехника го комплетираше искуството.

За нејзината изведба на „Te Felicito“, „TQG“ и „Puntería“ од нејзиниот последен албум „Las Mujeres Ya No Lloran“, сцената ја опкружија зелени пламени, лебдечки црвен накит и море од смарагднозелени бранови.

Шакира ќе тргне на светска турнеја која ќе започне во ноември во арената „Acrisure“ во Палм Дезерт во Калифорнија на 2 ноември. Тоа ќе биде прва турнеја на колумбиската ѕвезда од 2018 година.

Таа претходно за Rolling Stone изјави: „Мислам дека ова ќе биде најголемата турнеја во мојата кариера досега, најобемна, со најголем опсег“.

Додаде дека нејзините концерти обично траат околу 90 минути, но дека овие ќе траат нешто повеќе од 2 часа.