Посните шпагети болоњезе направени со леќа се многу ароматични и полни со зеленчук, идеални за ручек за време на некој пост или кога едноставнбо сакате да одморите од месо. Совршени се и за вегетаријанци.
Потребни состојки:
- шпагети (количина по избор)
- 2 лажици маслиново масло
- 1 среден кромид
- 1 стапче целер
- 1 голем морков
- 1 гранче рузмарин
- 1 ловоров лист
- 250 гр печурки
- 40 мл бело вино
- 500 мл зеленчуков булјон
- 680 мл доматно пире
- 125 гр леќа
- 1 лажичка сол
- бибер
- 40 мл незасладено соино млеко
- 30 мл соја сос
Подготовка:
Исечкајте ја па пропржете ја главицата кромид заедно со исечканите целер и морков во 2 лажици маслиново масло, едно 5 минути. Додадете го гранчето рузмарин, ловоровиот лист и 226 гр ситно сечкани печурки. Пржете на средна топлина уште 5 минути.
Додадете го белото вино и оставете целосно да испари. Истурете го зеленчуковиот булјон, доматното пире, леќата, па посолете и побиберете. Нека се крчка непокриено околу 30 минути, или додека леќата не се свари и сосот не се згусне. Додадете ги соиното млекото и соја сосот, а отстранете ги билките, па убаво измешајте.
Шпагетите сварете ги според упатството (во никој случај на крај не ладете ги во вода). Сервирајте во секоја чинија прво шпагети, па одозгора прелијте со подготвениот сос. Можете да украсите со свеж босилок.
