Претседателот на Барселона, Жоан Лапорта, во својот дом одржал средба со сега веќе поранешниот тренер на каталонскиот тим, Чави, на која поранешниот тренер го уверил дека има целосна доверба во сегашниот тим и дека во следната сезона ќе одат со мали промени.
Ова е идејата што постоеше во клубот, па беше одлучено да се задржи Чави, а изненадувањето се случи неколку дена подоцна кога Барселона беше поразена од Жирона со 4:2 по што тренерот истакна дека на Барселона ѝ се потребни играчки промени, открива Marca.
Бил направен извештај заедно со спортскиот директор Деку, а Чави ги презентирал своите барања до спортскиот оддел на Каталонците и сакал четири нови играчи на секоја позиција во тимот.
Сакал да го доведе Мартин Зубименди или Јосуа Кимих на позицијата заден играч од средниот ред, го сакал Хуан Фојт на страничната позиција, а во средниот ред планирал да го доведе Бернарду Силва додека планирал да ја засили крилната позиција со Нико Вилијамс.
Освен Фојт, сите имаат приближна цена која се движи меѓу 50 и 60 милиони евра, што е неприфатливо за Каталонците во моментов.
Тоа не му се допаднало на претседателот на Каталонците, кој ќе морал да продаде некои од сегашните играчи за да ги доведе засилувањата кои ги бара Чави, па поранешниот играч за врска на Каталонците сакал да се ослободи од Витор Роке, Ориол Ромеу и Маркос Алонсо како и од Роберт Левандовски, Жуау Феликс и Жуау Канселу.
Друг фудбалер кој Чави сакал да го продаде бил Рафиња бидејќи чувствувал дека крилните позиции се добро покриени со Ламин Јамал и Нико Вилијамс, додека Феран Торес ќе дејствува од клупата како замена за двете крилни позиции.
Друг играч кој требало да си замине беше Френки де Јонг за да се соберат средства за Бернарду Силва, но Лапорта не сакал да пушти толку играчи бидејќи сметал дека сегашниот состав е добар и дека со некои промени може да биде конкурентен.
Да потсетиме, Чави на каталонската клупа ќе го наследи Ханси Флик, поранешниот тренер на Баерн и германската репрезентација.
