Шпанија го освои ЕУРО, Јамал урна рекорд на Пеле

Фудбалската репрезентација на Шпанија четврти пат во историјата стана европски првак. Шпанија во финалето на ЕУРО 2024 ја победија Англија со 2:1.

По релетивно приспивното прво полувреме, во второто Шпанците тргнаа решително и по само две минути игра преку Нико Вилијамс го постигнаа првиот гол.

„Црвената фурија“ по постигнатиот гол продолжи да го притиска противникот, но Вилијамс, Мората, Јамал не успеаја да го совладаат Пикфорд. Англискиот голман два пати се истакна со одбраните против тинејџерот Јамал.

Англија изедначи од една од ретките вистински акции. Сака го проигра Белнгем, овој му ја остави топката на Палмер, кој од 23 метри го совлада Симон.

Овој резултат стоеше на семафорот до 86.минута кога Шпанија изведе филигрантска акција, Кукуреља асистирше, а Микел Ојрезабал го постигна најзначајниот гол во својата кариера.

До крајот херои на Шпанија стнаа и голманот Симон, односно Олмо, кои во еден напад успеаја да осбранат две опасни топки.

Фудбалерите на Шпанија во финалето на Европското првенство ја победија Англија со резултат 2:1 и со тоа ја освоија шампионската титула. Напаѓачот на Реал Сосиедад, Микел Ојарзабал го постигна решавачкиот гол во 86.минута.

Најдобар фудбалер на турнирот (МВП) е Родри, а најдобар млад фудбалер Ламин Јамал. Ојарзабал им ја донесе конечната победа на Шпанците.

Ова е четврта шампионска титула за Шпанците во нивната историја, со што стнаа апсолутни рекордери.

Никој освен Шпанија не успеа да ја освои титулата без пораз.

Младиот шпански фудбалер Ламин Јамал собори уште еден рекорд.

Ламин Јамал, постигна гол во полуфиналето и стана најмладиот стрелец во историјата на европските првенства, а сега собори уште еден рекорд.

Тој го започна финалето на ЕУРО 2024, што значи дека стана најмладиот фудбалер кој играл во финале на едно големо натпреварување.

Јамал на тој начин го собори рекордот на легендарниот Пеле, кој во финалето на Светското првенство во 1958 година настапи на возраст од 17 години и 249 дена.

Ламин има 17 години и еден ден.