Откако Шакира неодамна и трета песна посвети на раскинувањето со Пике, изгледа дека фудбалерот не планира да се смири. Згора на тоа, шпанските медиуми пишуваат дека тој неодамна ја изневерил својата нова девојка Клара Чиа Марта.
Наводно, Клара пред неколку дена ја напуштила куќата на Пике и отишла да живее кај нејзините родители.
Иако уште од почетокот се пишуваше дека тоа го направила затоа што трпела големи навреди и притисоци откако Шакира ги прозивала во песната и сакала малку приватност, се чини дека тоа не е баш така.
Шпанските медиуми пишуваат дека фудбалерот ја изневерил Клара со младата адвокатка Жулиа Пуџ, која работеше во тимот на Пике при разделбата со Шакира.
Покрај тоа, Жулиа е и братучетка на Рики Пуџ, поранешен соиграч на Пике во Барселона.
Приказната одекна во јавноста, а Жулиа веднаш го заклучи својот Instagram профил.
Клара и Пике со недели не се видени заедно во јавноста.