Шпански научници ја отворија гробницата на свештеник од 15 век и ги ексхумирале неговите коски во обид да ја тестираат теоријата дека Кристофер Колумбо потекнувал од северозападниот шпански регион Галиција, а не од Република Џенова.
Иако се верува дека Колумбо е роден во Италија во 1451 година, некои тврдат дека всушност е роден во Шпанија. Има и такви кои тврда дека бил Португалец.
Тим составен од конзерватори, археолози и форензички антрополози кои работат во црквата Сан Мартин де Собран ја отворија гробницата на аристократ и свештеник кој можеби бил роднина со Колумбо.
Ќе се издвои ДНК од 7 фрагменти на коски ексхумирани од гробницата, а потоа ќе се споредат со примероци земени од останките на Колумбо и остатоци од неговиот брат и од синот. Истражувачите собраа примероци на коски од други цркви од подрачјата за кои се сметаат дека се закопани други можни роднини на Колумбо.
Здружението Galician Columbus, кое ја поддржува теоријата дека Колумбо е Шпанец, а не Италијанец, истакнува дека презимето Колон (шпански за Колумбус) е добро документирано на тоа подрачје. Се претпоставува дека Колумбо може да биде галицискиот витез Педро Алварес де Сутимаиор, познат како Педро Мадруга.
Колумбо починал во шпанскиот град Ваљадолид во Шпанија, 1506 година. Сакал да биде закопан на островот Хиспаниола кој денес го делат Хаити и Доминиканска Република.
Неговите посмртни остатоци се однесени таму во 1542 година, а во Куба се преместени во 1795. Потоа се превезени во Севилја во 1898 година, кога Шпанија ја изгубила Куба по Шпанско-американската војска.
