Марс честопати го нарекуваме Црвената планета и навистина е црвенкасто посебно небесно тело.
После Земјата, Марс е планетата која најдобро би поддржувала живот во нашиот Сончев Систем. Токму поради тоа НАСА упорно праќа ровери, со цел да се соберат што повеќе информации за нашиот најблизок планетарен сосед.
Веќе е познато дека НАСА планира во блиска иднина да испрати и прво вселенско летало со човечки екипаж. Но, пред да се оствари тој дамнешен човеков сон, Марс мора колку што е можно повеќе да се истражи. И тука на сцена стапуваат роверите.
Една ваква мисија со ровери на Марс чини милијарди долари. Оттаму, евентуален неуспех би значел дека сите овие парични средства биле залудно потрошени. Досега имаше 6 ровери кои успешно шетаа по Црвената планета, а тие се: Sojourner (1997), Opportunity (2004), Spirit (2004), Curiosity (2012) и Perseverance (2021) на НАСА, како и Zhùróng (2021) на ЦНСА (кинеската вселенска агенција).
Многу се очекува од петтиот ровер на НАСА, развиен со досега најдобра технологија. Тоа е роверот наречен Perseverance кој веќе шест месеци е на марсовата површина и моментално работи на проучувањето на камењата на планетата, односно нивниот состав.
Но, што досега откри Perseverance?
