Луѓето коишто страдаат од мизофонија може да ги изнервира некој сосема вообичаен звук, како што е кашлица, звукот на џвакање, пеење, пишување на тастатура, па дури и на сопственото дишење, кај нив создава чувство кое е поинтензивно од едноставна непријатност.
Звуците коишто повеќето луѓе не ги забележуваат, луѓето со мизофонија не можат да ги поднесат.
Станува збор за многу ретко ментално нарушување. Првите симптоми се јавуваат во детството, а со годините оваа состојба се влошува.
Научниците велат дека луѓето со ова нарушување ги вознемируваат звуците од нивните најблиски луѓе, членови на семејството или пријателите. Тогаш се најмногу агресивни.
Некои луѓе земаат таблети, но не постои лек за оваа болест.
Во многу тешки случаи, тие се изолираат за да не ги слушаат сите звуци коишто им пречат, а тоа води кон депресија, пишува mentalfloss.com.
„Се работи за ментално нарушување на модерното доба. Разговаравме со 42 луѓе кои имаат слични симптоми и тие ни открија дека избегнуваат социјализација, времето го поминуваат со слушалки во ушите и сакаат да бидат сами бидејќи присуството со најблиските луѓе им предизвикува стрес. Тие не сакаат да бидат агресивни, но тоа е посилно од нив“, објаснуваат истражувачите од Амстердам.
Ова нарушување може да биде симптом за OCD или анксиозност. Оние коишто страдаат од мизофонија имаат чести периоди кога се во депресија или се анксиозни. Во студијата која опфати 500 студенти, 20 отсто од учесниците заклучиле дека имаат симптоми на мизофонија. Повторно е потврдено дека овие симптоми се слични со анксиозност, OCD и депресија.