Лука Дончиќ (25) поради повреда во втората четвртина го напушти натпреварот помеѓу Далас Маверикс и Минесота Тимбервулфс на Божиќ, а сега е позната тежината на таа повреда.
Словенечката ѕвезда ќе биде надвор од терените најмалку еден месец поради истегнување на мускулот на потколеницата на левата нога.
Тоа е најтешката повреда во НБА кариерата на Дончиќ. Никогаш не се случило да пропушти месец дена одеднаш.
Далас во тој месец ќе одигра 17 натпревари, што значи дека за прв пат во кариерата на Дончиќ ќе одигра помалку од 65 натпревари во една сезона (не сметајќи ја сезоната 2019/20, која беше скратена поради коронавирусот). Поради ова, тој нема да се натпреварува за поединечни награди како што е МВП или за вклучување во тимовите во All-NBA.
Словенецот на 22 одиграни натпревари сезонава имаше просек од 28,1 поен, 8,3 скока и 7,8 асистенции. Далас е на четвртото место во Западната конференција со 19 победи во 30 натпревари.
