Исхраната е еден од клучните сегменти во животот на секој фудбалер, особено ако е меѓу најдобрите играчи, бидејќи овозможува користење на максималниот потенцијал во секој натпревар, но и оптимално закрепнување и регенерација по настап.
Затоа е важно фудбалерите да ги следат советите од нутриционисти кои им бираат обороци пред, во текот, но и по натпревар за оптимални резултати.
Целта е играчите да јадат здраво, со квалитетни и домашни производи, но и разновидно колку што е тоа можно.
Навиките во исхраната се толку развиени што менито се бира на темел на позицијата на која играат или минутажата, поради што скоро сите сериозни клубови во тимот имаат професионални нутриционисти кои се грижат за нивните потреби.
Исхрана пред натпревар
Фудбалерите бираат протеинска и немрсна храна. целта е да ја олеснат дигестијата и добијат доволно енергија во текот на натпреварот. Јадат три-четири часа пред натпревар. Ако натпреварот е попладне или навечер потребно е да планираат појадок и меѓуоброк. Исто така, важно е да внесат доволно вода. Пијат мала количина на денот, но повеќе пати во текот на денот.
Исхрана во текот на натпревар
На фудбалерите не им се препорачува претерано консумирање на некој производ. Во текот на натпревар потребно е да ги вратат енергијата и изгубените течности. Особено е важно да обрнат внимание на хидратацијата, неретко користат енергетски гел кој содржи кофеин со јаглехидрати, а кој помага во одржување будност и фокус во текот на натпревар.
Исхрана по натпревар
Во тој период вообичаено е присутен недостаток на апетит, но со оглед на дефицит на јаглехидрати, потребно е што побрзо да се надоместат празните резерви, поради тоа фудбалерите често јадат пица, но здрава верзија, без кашкавал или со помала количина и со растителни состојки.
Во текот на 90 минути игра фудбалерите трошат многу енергија, а повеќето професионални тимови јадат пица како совршен оброк за закрепнување по натпревар.
Потребно е да се избегнува преработена храна бидејќи исхраната е еден од факторите кои влијаат на закрепнување и превенција од повреди.