Фестивалот на музички документарци Скопје Синема Сити ќе го одржи седмото издание.
Фестивалот ќе отвори со уметничкиот филм „Кога ќе се родиме“, посветен на филмскиот композитор Олафур Арналдс, во режија на Винсент Мун.
„Секое издание на Скопје синема сити го отвора филм за одреден уметник, на кого му се посветува изданието и му се доделува Награда за животно дело за заслуги за музиката и филмот. Оваа година тоа е Олафур Арналдс, кому му ја испративме наградата на Исланд“, велат организаторите на настанот.
Skopje Cinema City film festival awards composer Ólafur Arnalds for his Outstanding contribution to film and music. This...
Posted by Skopje Cinema City - Фестивал на музички документарни филмови on Monday, September 13, 2021
Филмот раскажува човечка приказна базирана врз животот на Арналдс. Снимен е на локации во Исланд минатото лето и истражува теми како ритуали, односи и внатрешни пејзажи преку музиката од последниот албум на Олафур „Some kind of peace“.
Вториот филм „Birth of the cool“ е биографија за џез уметникот Мајлс Дејвис, во режија на Стенли Нелсон.
„Оваа година се навршуваат 30 години од смртта на овој уметник чие име е синоним за џез-музиката. Мајлс е човек кој со својата музика и добар вкус неколкупати го менувал текот по којшто се движела музиката и неговите успеси, живописен живот и карактер се тема на овој двочасовен филм“, велат од Скопје синема сити.
Фестивалот е во организација на здружението Номад-Арт Скопје во соработка со Кинотеката на Северна Македонија, Гете Институтот и фондацијата „Милан Младеновиќ“. Визуелните решенија се дело на Дијана Димитриевска. Фестивалот ќе се организира во два блока, од 18 до 19 септември и од 20 до 21 септември. Сите проекции ќе почнуваат во 19 часот, а билетите ќе можат да се набават само на касата на Кинотека.
Програмата за настанот изгледа вака:
18.09.2021
19.00
Олафур Арналдс: Кога ќе се родиме (IS)
19.30
Miles Davis: Birth of the Cool (USA)
19.09.2021
19.00
Vidi Vaka Fames 3 мин
Vidi Vaka Канун 3 мин
The Hip: Brainstorm (MK)
20.30
Б-филм: Копнеж и звук во Западен Берлин 1979-1989 (ГЕР)
21.09.2021
19.00
Трагачи по звукот (МКД)
19.30
Angel’s Breath (Милан Младеновиќ и Суба) – Praia no Ventu Eternu (СРБ)
Кирил Џајковски – Современа музика за современото доба (МКД)
20.10.2021
Primal Scream: Изгубените снимки од Мемфис - 58 мин. (ГБР)
22.09.2021
19.00
Кејт Буш: Трчајќи нагоре по ридот
20.00 (ГБР)
Марк Болан: Космичкиот танчер (ГБР)