Фитнес јутјуберот Лори Шо помина многу 30-дневни предизвици.
Еден од нив беше оној во кој правеше по 100 „чучњеви“ (squats) секој ден, цел месец.
Целта му беше да ги зајакне мускулите на нозете, а за да провери дали ќе има разлика и каков ќе биде резултатот, се фотографираше на првиот и последниот ден од предизвикот.
„Се надевам дека ќе забележам видлива разлика или барем ќе почувствувам поголема сила во нозете. Свесен сум дека 30 дена не се многу, па ми е јасно дека може да нема никаква промена“, рече тој на почетокот на предизвикот.
Вежбата ја правеше со неколку реквизити. Покрај еластична лента, користеше и тегови.
„Иако ми горат мускулите, ова сепак не е најинтензивната вежба што сум ја направил“, рече тој.
На крајот на 30-тиот ден од предизвикот, Шо истакна дека нозете му се малку помускулести, како и дека сега со нозе крева тегови од 130 килограми, а претходно кревал 125.