На почетокот на вежбањето, мотивацијата е на високо ниво, но за жал, повеќето луѓе набрзо ја губат.
Овој проблем беше причина за ново истражување, кое ги утврди најдобрите начини за одржување на мотивацијата за вежбање.
Во истражувањето учествувале 60.000 луѓе, а нивната посета на теретана била следена во период од четири недели. Едноставните програми кои ги охрабруваа луѓето однапред да ги планираат тренинзите, се покажаа како ефикасни.
Луѓето добивале пораки 30 минути порано со потсетување дека е време за вежбање. Теретаната 24 Hour Fitness нудела поени на Amazon во вредност од околу 0,22 долари за секоја посета. Ова ја зголеми фреквенцијата на вежбање за 9 отсто, пишува CNN.
„Очигледно е дека сумата на пари е мала, но сепак ги мотивира луѓето редовно да одат во теретана. Се разбира, не мора да вежбате исклучиво таму, но забележавме дека промовирањето на трендот на вежбање ја зголеми фреквенцијата на одење до теретана за 24 отсто“, изјави Кети Милкман, авторка на истражувањето.
Хедер Ројер, професорка на Универзитетот во Калифорнија, исто така се согласува.
„Најдобрата тактика е онаа што ги наградува луѓето. Доколку сепак решат да се откажат од своите планови, малите награди треба да бидат доволна мотивација за да почнат повторно да вежбаат“, вели таа.