Чувството на глад може да влијае на вашето расположение, но и на вашето здравје. Кога сте гладни станувате нервозни, чудни и немате енергија.
Што не треба да правите кога сте гладни?
Не треба да донесувате важни одлуки
Студиите укажуваат на тоа дека луѓето не донесуваат добри одлуки кога се гладни. Според истражувачите од универзитетот во Утрехт, чувството на глад ја намалува способноста на размислување, па може да зажалите за донесената одлука. Грелинот, хормонот на глад, влијае на мозокот и на вашата способност за размислување.
Не одете во шопинг
Ако мора да ги купите потребните намирници, изедете нешто пред да заминете во маркет. Истражувањата укажуваат на тоа дека луѓето трошат повеќе пари кога се гладни.
Ако заминете во продавница кога сте гладни, ќе купите слатка храна и храна полна со јаглехидрати.
Не се расправајте со партнерот
Без оглед на тоа колку сте му лути, не се расправајте со вашиот партнер бидејќи ќе ги влошите односите. Наместо тоа одвојте малку време да каснете и размислете двапати пред да кажете нешто. Кога сме гладни, нашиот мозок не може да размислува на правилен начин и најверојатно ќе го кажете она што не го мислите.
Не треба да вежбате
Вежбањето на празен стомак може да ја наруши вашата рутина на вежбање. Поради ниското ниво на енергија се зголемува и ризикот од повреди.
Не јадете зачинета храна
Не треба да јадете зачинета храна кога сте гладни бидејќи ќе го иритирате желудникот.
Исто така, треба да избегнувате алкохол кога сте гладни бидејќи ќе се напиете за кратко време.
