За денеска е закажан настанот на Apple на кој се очекува дека ќе го претстават новиот iPhone 13. Се шпекулира дека ќе биде откриен заедно со Apple Watch Series 7, но и со новите AirPods слушалки од третата генерација.
Oвој смартфон е еден од новите четири модели: iPhone 13 mini, iPhone 13, iPhone 13 Pro и iPhone 13 Pro Max. iPhone 13 најеројатно ќе има сличен дизајн како и претходниот модел.
Секој од новите модели ќе го добие новиот A15 процесор кој има подобри перформанси од својот претходник A14.
Се очекува дека iPhone 13 Pro и iPhone 13 Pro Max ќе бидат објавени со LTPO екрани кои овозможуваат поголема фреквенција на освежување. Се очекува дека двата Pro модели ќе имаат нов ProRes систем за видеоснимање за поголема резолуција на видеата.
Се шпекулира дека Apple Watch Series 7 ќе го добие првиот редизајн откако започна да се произведува серијата часовници на Apple, како и најновите AirPods 3.