Настанот Samsung Galaxy Unpacked кој оваа година го носи слоганот „Get ready to unfold“ ќе се одржи на 11 август со почеток во 16 часот кога ќе бидат претставени бројни новитети од оваа компанија.
Иако официјално уште не е познато кои уреди ќе ги претстави Samsung Electronics на овој настан, според неофицијалните информации се очекува да го претстават Galaxy Z Flip 3 и Z Fold 3, како и многу други нови уреди.
Придружете се на Samsung Galaxy Unpacked настанот на 11 август на кој ќе претстават многу иновативни уреди кои се дизајнирани за уживање во секој миг, без разлика на тоа каде се наоѓате, стои во известувањето на компанијата.
Настанот ќе биде достапен на YouTube каналот на Samsung со почеток во 16 часот.