Сите луѓе вршат голема нужда, а следењето на состојбата на вашата столица е нешто што треба редовно да го правите.
Дефекацијата е завршен чин од варењето на храната кога организмот ги исфрла во надворешната средина отпадните производи од варењето т.е. изметот односно столицата.
Во нормални услови дефекацијата се одвива врз принцип на два механизма:
- нагонско (рефлексно) празнење на цревата условено со работата на дебелото црево. Дебелото црево е резервоар за содржината, но тоа го контролира сфинктерот (мускул во облик на прстен) кој се отвора при празнењето на цревата и се затвора при завршувањето на празнењето.
- отворањето и затворањето на прстенестиот мускул (сфинктер) го регулира празнењето на цревата, а при тоа постои и свесна контрола (преку мозокот), со која можеме да ја задржиме или одложиме дефекацијата, односно имаме јасно сознание за празнењето на цревата.
Зачестеноста на дефекацијата кај луѓето изнесува од 3 пати на ден до 3 пати седмично. Ако забележите конзистентни промени на формата и бојата на вашата столица треба да се обратите кај лекар. Како и секоја друга посета на лекар, важно е да дадете точни и што е можно попрецизни податоци за да може лекарот да ви постави точна дијагноза и по потреба-терапија.
Гастроентерологот Остин Чијанг направи поучно видео во кое објаснува што значи различната боја на фецесот и дали промената на бојата на вашата столица треба да биде причина за загриженост за вашето здравје.