Се очекува Samsung да ги претстави новите смартфони на почетокот на 2021 година, а тоа може да се случи и на 14 јануари.
Според последните информации, наскоро ќе го гледаме настанот Unpacked, а Еван Блес на Twitter објави фотографии од новите смартфони, вклучително и новите бои.
Како што и претходно беше најавено, стандардниот Galaxy S21 ќе биде достапен во 4 бои- бела, сива, виолетова и розова.
Овој помал модел ќе поседува 6,2-инчен AMOLED екран, примарна камера од 12, ултраширока од 12 и телефото камера од 64 MP.
Samsung ќе го претстави и новиот, поголем Galaxy S21 Plus кој нема да биде достапен во розова боја.
S21 Ultra ќе биде достапен само во црна и бела боја, а позади ќе има модул со 4 камери и ласерски автофокус. Овој смартфон ќе има 6,8-инчен AMOLED екран и одлична батерија.
