И додека сите очи беа вперени во финалниот дуел на Вимблдон меѓу Новак Ѓоковиќ и Ник Кирјос, а скоро сите љубители на тенисот беа пред ТВ-екраните, најдобриот тенисер во светот Данил Медведев не беше меѓу нив.
На руските и на белоруските тенисери им беше забрането да настапат на Вимблдон поради руската агресија на Украина, а Медведев не можеше да замине во поход на втората Грен слем титула во кариерата.
Медведев не се сложи со таа одлука, а колку истата го погоди покажа многу јасно во текот на самото одигрување на финалниот меч.
Рускиот тенисер одлучи целото внимание да го насочи на трката на Формула 1 за Големата награда на Австрија со зборовите „совршена недела“ и на тој начин им испрати порака на организаторите на Вимблдон и британската влада за тоа што го мисли за забраната за учеството на турнирот.