Самата помисла на комарец асоцира на иритирачкото чешање на кожата по убодот, а кое сакате веднаш да го ублажите. Но, зацрвенетото место не исчезнува веднаш. И веднаш се поставува прашањето, зошто се појавува чешањето?
Што се случува во телото по убод на комарец? Ретко размислуваме за тоа што се случува додека овој инсект се храни од нашата крв и зошто на крајот, зацрвенетото место толку чеша? Според истражување од 2018 година, причината за тоа се крие во плунката на комарците.
Истражување покажа дека во просек на комарец му е потребно околу 4 минути за да го наполни стомакот со крв. Проблемот е тоа што во текот на тоа време може да биде забележан од жртвата од која се храни што значи лесно може да биде откриен. Плунката на комарците има состојка која ја здрвува кожата. Откако комарец ќе ја плукне кожата, не го чувствуваме убодот. Потоа малиот натрапник почнува со потрагата по крвни садови под кожата. Се обидува и по неколку пати додека не го пронајде тоа што бара. Плунката му помага полесно да ја цица крвта.
Штом ќе ја пронајде вената комарецот повторно испушта плунка, во неа се содржат повеќе од 100 протеини кои имаат различна цел, една од нив е крвта да нe се згрутчува. На тој начин полесно цица.
Финтата е во тоа штом нашата вена е оштетена, телото почнува да ја лечи. Ова може да го спречи инсектот да цица. Но, натрапникот лесно се справува и со ова, друго истражување откри дека во плунката има состојка која го запира овој процес и ги шири крвните садови.
Убодот чеша бидејќи сме алергични на нив, а за тоа повторно е виновна плунката. Убодот содржи нетоксични протеини кои резултираат во чешање, црвенило и оток. Има и луѓе кои не се алергични на нив.
Некои луѓе повеќе привлекуваат комарци поради мирисот кој се шири од нив, произведен од микробите кои живеат на нашата кожа. Затоа користете природни средства за заштита од убоди од комарци, како на пример масло од еукалиптус, пишува Bright Side.