Некои луѓе имаат брз метаболизам - може да јадат што сакаат и кога сакаат, а да не се дебелат, па затоа сметаат дека не треба да вежбаат бидејќи се слаби. Но дали тоа е добра одлука?
Дури и личните тренери признаваат дека многу луѓе не сакаат да вежбаат бидејќи се слаби. Но вежбањето е многу повеќе од согорување калории за да слабееме. Недоволната физичка активност може да има влијание врз тоа што се случува во нашето тело, како и на нашето здравје.
Што се случува во телото кога не вежбате доволно?
Имате потреба за калорична храна
Луѓето што вежбаат се хранат здраво. Активните луѓе имаат потреба за здрава храна која им дава енергија и лесно се вари.
Кога некој не вежба, не се грижи за тоа каква храна внесува во организмот. Телото не бара здрави намирници бидејќи не му е потребна енергија, па наместо тоа преферирате чипс, колачиња, тестенини.
Не спиете убаво
Ако имате проблеми со спиењето, можеби не вежбате доволно и редовно. Докажано е дека со редовно вежбање ќе бидете одморни во текот на целиот ден и ќе заборавите на несоницата.
Лесно се заморувате
Ако не вежбате доволно, ќе почувствувате умор и кога се качувате по скали. Редовното вежбање го подобрува здравјето на кардиоваскуларниот систем и белите дробови.
Се успорува метаболизмот
Метаболизмот се успорува со текот на годините. Еден од начините како да ја ублажите таа промена е со помош на вежбање.
