Доколку имате дијабетес или од други причини треба да внимавате на нивото на шеќер во крвта, од витално значење е да почнете да консумирате храна што го регулира шеќерот.
Според нутриционистот Моли Хембри, најдобра ужина е онаа што содржи протеини и јаглехидрати богати со влакна, пишува Eat This, Not That.
„Протеините и влакната го ублажуваат порастот на нивото на шеќер во крвта за разлика од рафинираните житарки“, вели таа.
Јаболко и путер од кикирики
„Јаболката се добар извор на јаглехидрати во облик на природен шеќер, фруктоза. Јадете ги со путер од кикирики за да додадете протеини кои помагаат во контрола на шеќерот во крвта“, советува таа.
Свежо сирење и праски
„Сирењето е одличен извор ан протеини кои во комбинација со овошје како праските можат да помогнат во зголемувањето на внесувањето влакна и стабилизирање на шеќерот во крвта“, вели Хембри.
Јогурт и боровинки
Јогуртот со низок процент масленост исто така може да помогне во регулирањето на нивото на шеќер затоа што има многу протеини. Јогуртот содржи и пробиотици кои овозможуваат телото да ја метаболизира храната што содржи шеќер.
Боровинките се полни со влакна и антиоксиданси кои го намалуваат крвниот притисок и учествуваат во процесот на обработка на глукоза.