Шведска, која предизвика контроверзии поради неприменувањето на мерките за заштита од пандемијата, призна дека не гледа знаци на имунитет на стадо и дека расте бројот на нови инфекции.
Нордиската земја, чиј лежерен пристап во борбата против пандемијата го привлече вниманието на целиот свет, регистрира 17.265 нови случаи на коронавирус во изминатата недела, соопшти националната здравствена агенција.
Претходната недела, Шведска пријави 15.084 нови случаи, при што бројот на приеми во болница за пациенти со коронавирус скоро двојно се зголемува секоја недела.
Андерс Тегнел, архитект на контроверзната стратегија на Шведска без „локдаун“, претходно тврдеше дека Шведска ќе помине подобро од другите земји во вториот бран откако изгради колективен имунитет за време на првиот.
„Прашањето за имунитетот на стадо е тешко. Во моментов, не гледаме никакви знаци на имунитет што го забавуваат вториот бран“, рече Тегнел пред новинарите во вторникот.
Иако Тегнел не отиде толку далеку да каже дека е невообичаена одлука за Шведска да избегне карантин и да не советува да се носат маски за лице, премиерот Стефан Лофвен во последните неколку недели зазема значително поинаков пристап. Тој воведе ограничувања на продажбата на алкохол, домашни посети и јавни собири, предупредувајќи дека следниот чекор би можело да биде ограничувања за патување.
Регулативите на Шведска сè уште се релативно релаксирани во споредба со другите европски земји, но има значителен пресврт од претходните политики кои претпоставуваа дека луѓето доброволно ќе изберат да останат дома и да се држат на дистанца.
Шведска објави рекорден број нови инфекции со коронавируси овој месец, докажувајќи дека земјата не успеа да го избегне вториот бран на инфекции што го зафати поголемиот дел од Европа.
Во мај, Тегнел предвиде дека бројот на случаи во земјата „веројатно ќе биде прилично мал“ кога вториот бран ќе пристигне на есен, бидејќи голем дел од популацијата веќе ќе биде заразена со вирусот и ќе стане имуна. дека луѓето кои се опоравиле од коронавирусот повторно се разболуваат и дека во некои случаи имунитетот може да трае кратко.
Тегнел исто така во мај сугерираше дека другите нордиски земји, како што е Финска, кои веднаш воведоа „локдаун“, би морале истото да го повторат наесен. Но, се случи спротивното: Благодарение на строгата гранична политика, Финска и Норвешка во голема мерка успеаја да избегнат втор бран на зараза, дозволувајќи проодолжување на многу нормални активности.
За потсетување, Шведска минатиот петок го забележа најлошиот ден од почетокот на епидемијата на вирусот коронавирус во таа земја, бидејќи за 24 часа беа откриени 7.240 новоинфицирани лица.
Според најновите податоци на порталот Worldometers, повеќе од 225.000 луѓе биле заразени со коронавирус во Шведска, додека околу 6.500 луѓе починале како резултат на болеста.
