КУП НА МАКЕДОНИЈА 2021/22 - ФИНАЛЕ

Силекс и Македонија ЃП денеска по пехарот од фудбалскиот Куп

Филип Здравески
/ 20.05.2022 / 09:24

Во јубилејната XXX сезона на Купот на Македонија денеска од 18 часот ќе се сретнат бранителот на тронот кратовски Силекс и предизвикувачот Македонија Ѓорче Петров.

Тренерот Горазд Михајлов со капитенот Даниел Божиновски (Силекс) и капитенот Ермедин Адем со тренерот Муарем Бајрами (Македонија ЃП); Фото: ФФМ

На Националната Арена „Тодор Проески“ во Скопје денеска ќе се игра XXIX финале во јубилејната XXX сезона на Купот на Македонија на ФФМ. Тоа е така затоа што во сезоната 2020 Купот заглави во полуфиналето откако пандемијата ја прекина сезоната која потоа никогаш не се доигра.

Се среќаваат второлигаш и прволигаш. Силекс иако лани го освои Купот, испадна од Првата лига, но сезонава беше најдобар во Втората лига Запад и експресно се врати во елитата, а преку Купот има шанса дури и да се избори за нова европска летна авантура. Македонија ЃП извиси за европско место преку лигата завршувајќи на 4. место, па Купот е единствена шанса „Лавовите“ да ја почувтсвуваат фудбалска Европа претстојново лето. Победникот на Купот ќе избори учество во квалификациите од Европа конференциската лига.

Пат до финале

Силекс како актуелен освојувач го прескокна 1. коло и почна од осминафиналето каде како гостин ја елиминираше Беласица со 4:2. Потоа во четвртфиналето одигра 1:1 дома со штипска Брегалница за потоа да победи на пенали со 5:4. Во полуфиналето гостуваше во Битола и со минимални 1:0 ги остави во солзи битолчани.

Македонија ЃП во 1. коло лесно мина кај второлигашот Детонит во Радовиш славејќи со 3:0. Во осминафиналето налета на минатогодишниот финалист Академија Пандев, одигра 1:1 во Струмица па славеше на пенали со 5:3. Тешка задача имаше и во четвртфиналето каде успеа да го исфрли сега лигашкиот шампион Шкупи со 0:0 и 4:1 на пенали, а во полуфиналето повторно беа подобри пеналџии овој пат на кости кај Струга со 4:2 откако и тој натпревар заврши без голови.

Историја

За Силекс ова е финале број 5, а го брка четвртиот пехар. Кратовчани се радуваа во 1994, 1997 и лани во 2021, додека губеа во 1995.

„Лавовите“ од скопската населба Ѓорче Петров ќе го играат финалето број 4, имаат само една титула, онаа од 2006 година. Потоа двапати губеа и тоа во 2009 и во 2019, двата пораза по изведувањето на пенали.

Изјави

Ермедин Адем - капитен на Македонија ЃП 

„Следува еден голем натпревар за нас, цела сезона се бориме за вакви натпревари. Сакаме да ја крунисаме сезоната со Куп-трофеј. Имаме респект за Силекс и можам да кажам дека не се случајно во ова финале. Ние како екипа сме подготвени, имавме можеби најтежок пат до финалето, но ги минавме сите и тука сме. Знам дека кој и да игра во финалето ќе го даде максимумот и сакам да го освоиме трофејот и по долги години во Ѓорче да го донесеме“.

Даниел Божиновски - капитен на Силекс: 

„Од почетокот на сезоната претрпевме промени во тимот. Нашиот тим 95% е составен од нови играчи и фудбалери за разлика од минатата сезона. Со тек на времето полека се воигравме, направивме резултати како што посакувавме. Приоритет ни беше влезот во Првата лига, тоа и го остваривме. Предизвик ни беше да дојдеме до финалето на Купот, еве го и тоа, па знам дека секој ќе го даде максимумот“.

Судии

Главен судија: Александар Грујоски (Кичево)
Помошници: Куштрим Лука и Зоран Јанкуловски (Кичево)
Четврти судија: Марјан Ецкоски (Охрид)

Билети

Билетите за финалето се во продажба од понеделникот, а чинат симболични 100 денари. Можат да се купат единствено онлајн на MKTickets. За публика е пуштена само трибината Север и тоа северозападниот влез. Карти не се продаваат на билетарницата на стадион, ниту на другите продажни места.

Пренос

Директен пренос од големото финале ќе врши МРТ1 (за секој случај ќе има и на МРТ3), а половина час пред почетокот ќе има и специјална емисија посветена на финалето.

реклама

Зошто треба да ставите алуминиумска фолија зад рутерот?

Read more

Едноставен и брз метод: Белите патики повторно ќе изгледаат како нови

Read more

Голем месечен хороскоп за април 2024: Ретрограден Меркур им ги мрси конците на неколку знаци

Read more

Со едноставен водоводџиски трик ослободете се од смрдеата од одводот

Read more

Фудбал

Андов прв пат селектираше, на списокот 23 фудбалерки за претстојните квалификации

Read more

Ачерби: Ме напаѓаа како да сум убил некого

Read more

Како ќе изгледа албумот за ЕУРО 2024 на Topps?

Read more

Калафјори: Татко ми го презира Јувентус, а јас го почитувам татко ми

Read more
 

Спорт

Андов прв пат селектираше, на списокот 23 фудбалерки за претстојните квалификации

Читај повеќе

Ачерби: Ме напаѓаа како да сум убил некого

Читај повеќе
  • play_arrow

Како ќе изгледа албумот за ЕУРО 2024 на Topps?

Читај повеќе

Калафјори: Татко ми го презира Јувентус, а јас го почитувам татко ми

Читај повеќе

Герасимовски: Конечно, Работнички се враќа на шампионските патеки

Читај повеќе
  • play_arrow

Тонали е вистински зависник: Се обложувал и во Англија, намерно добил жолт картон

Читај повеќе
  • play_arrow

Лидерот Бостон падна во Атланта, го средија Мареј и Богдановиќ

Читај повеќе
  • play_arrow

Димитров го растури Алкарас во Мајами

Читај повеќе

Ливерпул се откажа од Алонсо, Клоп ќе го наследи Рубен Аморим

Читај повеќе