Македонските натпреварувачи Ана Цветановски, Ставре Јада и Дарко Дамјановски денеска го имаа својот прв настап на Светското првенство во нордиски дисциплини што се одржува во Словенија.
Јада денешната трка во рамките на квалификациите за спринтот класично 1,4 километри ја заврши на 108. место со време од 3:58,56 минути, односно 1:03,06 минута побавно од најдобриот резултат на Норвежанецот Ерик Валнер.
Дамјановски квалификациите ги заврши за 4:03,63 минути, доволно за 111-то место.
Во женска конкуренција, македонската претставничка Ана Цветановски го освои 85-тото место со време од 4:56,94 минути.
