Синот на Анџелина Џоли го украде вниманието на црвениот тепих

Анџелина Џоли се појави на доделувањето на Governors Awards 2024 во Лос Анџелес, каде што присуствуваше со синот Нокс Џоли-Пит.

Овој настан собра бројни ѕвезди, а 49-годишната актерка блесна во елегантен фустан во златни тонови, додека нејзиниот 16-годишен син облече класичен костум.

Во текот на вечерта Анџелина и Нокс не се разделија, а момчето со насмевка позираше пред камерите, што ги собра симпатиите на присутните, но и на медиумите.

Многумина ги забележаа впечатливите физички сличности меѓу Нокс и неговите познати родители.

„Најдоброто од двајцата родители“, беше еден од коментарите.

Нокс последен пат се појави во јавноста заедно со браќата и сестрите Шајло, Захара, Вивиен и Медокс на гала-проекцијата на Eternals во Лондон во октомври 2021 година.

Нокс и неговата сестра близначка Вивиен се најмладите членови на семејството Џоли-Пит. Тие се родени во Ница, на Француската ривиера, а во моментот на нивното раѓање медиумите пишуваа за продажба на ексклузивни фотографии од новороденчињата.

Бред Пит и Анџелина Џоли наводно ги продале тие фотографии на списанијата People и Hello! за сума од дури 15 милиони долари кои потоа ги донирале во хуманитарни цели.