Чеченскиот претседател Рамзан Кадиров објави дека неговите синови Ахмат (16), Ели (15) и Адам (14) го посетиле регионот Донабс заедно со чеченската министерка за култура Ајша Кадирова.
Кадиров на Телеграм објави видео во кое се прикажани неговите синови облечени во полна воена опрема, а Кадиров објасни дека во текот на посетата разговарале со командантот на чеченските сили кои го покриваат подрачјето на Мариупол.
„Внуците на првиот претседател на Чеченската Република Ахман Кадиров, заедно со моите драги внуки и браќа ги посетија пунктовите каде престојуваат чеченските борци во областа на североисточниот воен округ на Донбас. Чеченската делегација ја предвои министерката за култура Ајпа Кадирова.
Кадиров објасни дека неговите синови разговарале со чеченските војници во Украина.
„Внуците на Ахмат Кадиров изразија искрена благодарност на војниците за нивната храброст и лојалност кон рускиот претседател. Војниците зборуваа за нивниот успех во извршувањето задачи. Изразувам искрена благодарност на мојата сакана мајка на нејзиниот сензибилен однос кон војниците. Нека Севишниот ја награди за нејзината добрина“, порача Кадиров.
Од почетокот на октомври, чеченскиот лидер изјави дека планира да ги испрати малолетните синови да се борат во Украина.
Засега, децата се движат низ безбедни региони во Украина, далеку од линијата на фронтот и со високи мерки на безбедност.
