Сексуалната апстиненција е одлична превенција од сексуално преносливи болести и непланирана бременост, но има и други позитивни страни. Некои луѓе апстинирааат од секој вид на интимност, додека други се откажуваат само од секс, тврди сексуалниот терапевт Џесика Орајли.
Паровите кои апстинираат од секс се трудат да се поврзат со партнерот на емотивно ниво. Ова е можност да се фокусираат на сите други видови на уживања.
Од апстиненцијата најголема корист имаат жените кои никогаш не доживуваат оргазам за време на секс. Тие мастурбираат за да доживеат оргазам и на тој начин го запознаваат своето тело.
Фрустрации и ниска самодоверба
„Сексуалната апстиненција има и свои лоши страни. Партнерите може да се чувствуваат непосакувано, а тоа влијае на нивната самодоверба“, смета терапевтот Дејвид Мекензи.
Освен тоа, апстиненцијата од секс може да доведе до сексуални фрустрации, особено кога паровите немаат секс поради проблеми во бракот или врската. Со ова може да се оддалечат уште повеќе.
Сексот ги зближува партнерите на емотивно ниво. За ова е виновен хормонот окситоцин кој се лачи за време на секс. Овој хормон е причина зошто се вљубуваме, додаде Орајли.