Формула 1 објави дека постигната е согласност од сите Ф1 тимови за новиот Договор за согласност.
Concorde Agreement, или Договорот за согласност, поставува нови ислови според кои тимовите ќе се натпреваруваат на трките од Ф1 до 2025 година.
„Договорот ќе овозможи долготрајна сигурност за иднината на Формула 1 и комбинирано со новите правила, објавени во октомври 2019 кои стартуваат од 2022 година, ќе ги намали финансиските и тркачките нееднаквости помеѓу тимовите, помагајќи да се изедначи натпреварувањето, создавајќи поизрамнети трки какви што нашите навивачи сакаат што повеќе да гледаат“, стои во соопштението на Формула 1 објавено денеска.
Бидејќи Вилијамс, Мекларен и Ферари веќе го имаа потпишано договорот, се чекаше само тоа да го направат преостанатите седум тимови. Со потписот на Алфа Ромео, Хонда, Хаас, Мерцедес, Рејсинг Поинт, Ред Бул и Рено, договорот доби зелено светло.