„Граѓаните“ беа убедливи на гостувањето кај Вотфорд, додека Арсенал доживеа непријатен пораз на гости кај Астон Вила.
Тимот на Пеп Гуардиола беше немилосрден кој клубот кој грчевито се бори за опстанок нанесувајќи му пораз во претпоследното коло кој на крајот може да го чини испаѓање.
Рахим Стерлинг во 31. и 40. минута стрелаше за водство од два гола во првиот дел, а вториот гол го постигна откако налета прв на одбиената топка по промашениот пенал.
Во 63. минута Фил Фоден го постигна третиот гол, а конечните 0:4 ги постави Емерик Лапорт само три минути подоцна.
Арсенал и дефинитивно ја прокоцна и последната шанса преку лигата да обезбеди пласман во Лига Европа наредната сезона откако синоќа загуби на гостувањето кај Астон Вила. Со голот на Махмуд Хасан во 27. минута, познат како египетскиот Трезеге, Астон Вила поведе и успеа да ја задржи предноста. Домаќините освоија многу важни три бода.
„Топчиите“ имаат уште еден џокер во ракавот за излез во Европа, а тоа е финалето на ФА Купот каде ќе мора да триумфираат против Челси, во спротивно и дефинитивно ќе останат без излез во фудбалска Европа.
Во последното коло Астон Вила гостува кај Вест Хем во директен дуел за опстанок, додека Вотфорд патува кај Арсенал.