Англискиот вицешампион тргна по еден од најдобрите централни бекови во светот откако испрати понуда вредна 63 милиони евра.
Се чини дека деновите на сенегалскиот репрезентативец во Наполи се избројани. Британскиот весник The Sun тврди дека Манчестер Сити испратил понуда до клубот од Неапол вредна 63 милиони евра плус бонуси со што и официјално тргна по неговиот потпис.
Сепак, зделката нема да оди така лесно бидејќи Аурелио Де Лаурентис бара чисти 70 милиони евра. Моменталната вредност на Сенегалецот според Transfermarkt е 56 милиони евра, додека минатото лето му беше највисоки 75.
Калиду Кулибали за Наполи игра од летото 2014 година кога за 7,75 милиони евра пристигна од белгиски Генк. Претходно играше во родната Франција за Мец и Сен-Дје.
Веројатно е време и за самиот фудбалер да бара нов предизвик бидејќи со Наполи изминативе 6 години освои само два трофеја: Суперкупот во 2015 и Копа Италија годинава.