Лидерот на Северна Кореја, Ким Џонг Ун на пленарниот состанок на Работничката партија изјави дека земјата може да се соочи со „напната“ ситуација во врска со храната поради пандемијата со коронавирусот, пренесе AP.
Тој ги повика официјалните лица задолжени за земјоделскиот сектор да пронајдат начини за засилување на земјоделското производство.
„Ситуацијата со храната сега станува напната бидејќи земјоделскиот сектор не го исполни планот за производство на житарки поради штетата предизвикана од тајфуни минатата година“, изјави Ким во текот на состанокот.
Пандемијата ја влоши ситуацијата со недостиг на храна во Северна Кореја, бидејќи границата со земјата е затворена за да се спречи ширењето на заразата.
Според властите, во земјата досега немало ниту еден случај на корона, но експертите се сомневаат дека тоа е тоа вистина. Северна Кореја има лоша медицинска инфраструктура и недостаток на лекови, а аналитичарите велат дека епидемијата само би ја влошила ситуацијата.
Во текот на воената парада во Пјонгјанг минатата година, Ким јавно му се извини на народот. Освен со кризата, земјата се бори со санкциите на САД и на ОН воведени поради нуклеарните и балистички ракетни програми.