Аријана Гранде и Џастин Бибер се соочуваат со неочекувани обвинувања, дека наводно, новата заедничка песна „Stuck with U“ не стигнала на првото на топ-листите на чесен начин, односно нивните моќни менаџерски екипи „го купиле” тој успех.
Раперот 6ix9ine директно ги обвини Аријана и Џастин дека сами платиле за половина продажби на хитот, со што го зазедоа првото место во САД. Песната „GOOBA“ на 6ix9ine притоа заврши трета.
Аријана Гранде на Twitter одговори на обвинувањата. Според неа, дуетот со Џастин Бибер добро се продал како „сингл“.
„Моите обожаватели ја купија песната. Обожавателите на Џастин ја купија песната. А, тие кои не се задоволни од пласманот, да бидат малку поскромни“, напиша поп-пејачката.
Потоа таа појасни дека во класификацијата на главната, Билборд листа, купувањето „синглови“ има поголема тежина од стримувањето на интернет.
