Контроверзниот Беноа Пер е познат како тенисер со тенки нерви и неговите испади на теренот не се баш ретки.
Во меч на второто коло на Аргентина Опен имаше нов испад по кој беше и поразен од Франциско Керундоло со 4 : 6, 6 : 3. 6 : 1.
Пер во Буенос Аирес отпрвин збесна по еден сервис досуден како ас, па откако караницата со судијата не му помогна плукна на трагата оставена од топчето на теренот.
За тоа што го направи заработи опомена. Поради второто плукање подоцна во мечот беше казнет со одземање поени, а при сервисот кај 5 : 1 во третиот сет намерно погреши за што побрзо да заврши мечот.
По завршетокот на мечот отиде и чекор подалеку, на социјалните мрежи објави колку има заработено досега и порача:
„На крајот на краиштата, се исплаќа да се биде лош“.
