Филијала на Škoda во Велика Британија најде начин дополнително да ја зголеми практичноста на Enyaq со претворање на електричниот теренец во кампер.
Основа за проектот беше најмоќната верзија со погон на задните тркала, поточно моделот Enyaq iV 80, кој доби шатор на покривот. До овој дополнителен простор се пристапува со скала и може да спијат две лица. Шаторот може да се постави и симнат за само неколку минути и доаѓа со вентилатор на соларна енергија, осветлување и мрежи за багаж.
На креветот кој може да се извлече над задните седишта можат да спијат уште двајца луѓе, а рамката на тој кревет може да се состави за само неколку минути и на тој начин максимално да се искористи волуменот од 1.710 литри. Со цел да се подобри практичноста на електричното возило, Škoda постави лизгачка кутија од чешката компанија EGOE, која содржи шпорет на гас и мијалник со славина и црево.
И покрај таа кутија, задните седишта сè уште можат да се користат. Дел од целокупниот пакет е столче и маса за кампување кои се преклопуваат и се расплетуваат за неколку секунди, исто како ролетни за дополнителна приватност.
Enyaq iV 80 е придвижуван од електричен мотор кој развива 200 КС и 310 Nm вртежен момент, а батерија со капацитет од 82 kWh обезбедува автономија до 544 км. Забрзувањето од 0 до 100 км/час трае 8,5 секунди.
Концептот се вика FestEVal, а засега нема планови за производство.
Погледнете го концептуалниот Enyaq од сите агли во МЕГА ГАЛЕРИЈАТА.
