Турската новинарка Дениз Аксој пред фајнлфорот во Берлин му понуди баклава на легендарниот американски кошаркар Скоти Пипен.

Познатиот кошаркар ги следеше полуфиналните и финалните натпревари од Евролигата, а пред полуфиналниот меч турска новинарка му даде да проба баклава.
Пипен проба баклава, а на прашањето дали му се допаѓа, тој одговори:
„Ја сакам личноста што ми даде баклава“, рече Пипен додека го јадеше деликатесот.
Инаку, Пипен при многу интервјуа истакна дека речиси ништо не знае за четирите клубови кои играа на фајналфорот, но тоа не го спречи одлично да се забавува во Берлин.
На крајот беше сведок на победата на Панатинаикос кој во финалето го совлада Реал Мадрид со 95:80.