Sky Sport Italia тврди дека Рома, Наполи и Јувентус се согласиле Аркадиуш Милик да се приклучи на Рома, а капитенот на репрезентацијата на БиХ Един Џеко да премине во „Старата дама“.
Договорот се очекува да биде официјализиран, имајќи предвид дека Џеко веќе ги договори личните услови со Јувентус, со плата од 7,5 милиони евра по сезона плус бонуси, а надоместокот за трансферот ќе изнесува 15 милиони евра.
Милик ја забави целата работа противејќи се на одењето во Рома, но неговиот менаџер денеска имаше петчасовен состанок со луѓето од Рома во тренинг центарот Тригориа за да ги реши сите сомнежи.
Единствен чекор што останува во сагата е Милик да го продолжи договорот со Наполи до јуни 2022 година и да ѝ се придружи на Рома на позајмица со услов за задолжително купување, со што троошокот се распоредува на две сезони. Вкупната вредност на трансферот ќе изнесува 18 милиони евра плус до 7 милиони евра во бонуси.
Sky Sport Italia објави дека сите три клуба се сложиле да се заврши работата пред отворањето на сезоната во Серија А.
Лекарските прегледи се закажани за утре, а ова значи дека Луис Суарес дефинитивно не е во плановите на Јуве, бидејќи прв избор на новиот тренер Андреа Пирло секогаш бил Џеко.
