НБА тим се посрамоти против екипа која минатата сезона во австралиското првенство (НБЛ) беше седма на табелата.
Аделаида воопшто не се пласираше во плеј-офот таму, а сега оствари историска победа. Му успеа она што го направи Фенербахче во 2015 година кога го совлада Бруклин Нетс.
Колку сите веруваа во лесната и убедлива победа на Феникс Санс говори и податокот дека коефициентот на неа кај обложувалниците беше 1,01. На пример, квотата за победа на гостите беше 20. Веројатно не веруваа дека ќе можат да направат сензација, но на крајот успеаја. Ги предводеа Крег Рандал Втори со 35 поени (9/17 за тројки) и Роб Френкс со 32 (6/10 за тројки), додека на другата страна најдобри беа Камерон Пејн (23) и Деандре Ајтон (22). Девин Букер додаде 13, а Џок Лендејл 12 поени.
Овој резултат е и потврда дека работите во Феникс не функционираат. Сопственикот на клубот Роберт Сарвер е суспендиран на една година и казнет со 10 милиони долари. Истрагата утврдила дека „тој на расна основа ги навредувал вработените и ги навредувал жените“. Поради сето ова тој реши да го продаде клубот и се очекува тоа да се случи наскоро. Утврдено е дека тој на бремена вработена во клубот ѝ рекол дека „нема да може да си ја врши работата како што треба кога ќе стане мајка“.
