Отказот на Маурицио Сари од Јувентус израдува многу навивачи, но и поранешни играчи на „Старата дама“.
Меѓу нив е и Хрватот Марио Манџукиќ, забележаа италијанските медиуми.
На официјалниот профил на италијанскиот првак на Instagram беше објавена веста дека 61-годишниот Сари е сменет од функцијата и веднаш беше дочекана со лајк од Манџукиќ, Емре Џан и од Доуглас Коста.
Коста тоа го направи како актуелен играч на Јуве, додека Манџукиќ и Џан беа на многу грд начин набркани од клубот минатата сезона, кога Сари стапи на сцена.
Со одлука на Сари и на директорите Фабио Паратичи и Павел Недвед, Јувентус прво не ги регистрираше Хрватот и Германецот за Лигата на шампионите, а потоа шест месеци ги држеше на клупа и без значителната минутажа на која беа навикнати претходната сезона под водство на Масимилијано Алегри.
Откако дојде Сари, Манџукиќ ја изгуби позицијата во полза на Гонсало Игуаин и во декември 2019 година беше пуштен бесплатно во катарски Ал-Духаил. Тогаш Манџукиќ емотивно се збогува од клубот каде помина четири и пол години.
Наводно, меѓу Манџукиќ и Јувентус толку многу се заладиле односите, што последните месеци тој не ни живеел во Торино и не се појавил на божикната забава за заокружување на полусезоната.
Џан отворено зборуваше за грдиот начин на кој Јуве раскина со него и се жалеше на Сари, па на крај замина во Борусија од Дортмунд.
Јувентус на позицијата тренер го назначи поранешниот херој на „Старата дама“, Андреа Пирло.