Владата на Словенија одучи од денеска во земјата да бидат дозволени сите меѓународни спортски натпревари и тоа со присуство на публика, јави дописникот на МИА од Љубљана.
Портпаролот на Владата, Јелко Кацин, на редовната прес-конференција изјави дека и покрај тоа што спортските натпревари ќе се одржуваат со навивачи, сепак, делегатите ќе мораат да се осигураат дека се почитуваат сите препораки на Националниот институт ја јавно здравје со цел спречување ширењето на коронавирусот.
И покрај ваквата одлука, со која на стадионите ќе се врати публиката, претседателот на Фудбалската асоцијација на Словенија, Раденко Мијатовиќ, изјави дека финалето на купот, што е закажано за 24 јуни, сепак, ќе се одигра без гледачи.
