Кошаркарите на Лос Анџелес Лејкерс кои по 17-ти пат во историјата на НБА станаа шампиони, денеска се вратија од Орландо во Лос Анџелес.
Прес-канцеларијата на клубот на Twitter објави соопштение во врска со шампионската парада.
„Едвај чекаме да ја славиме нашата титула со нашите навивачи. По консултација со градот и округот, сите се согласуваме дека радосната и масовна јавна прослава ќе се одржи веднаш штом ќе биде безбедно да се стори тоа. Во меѓувреме, уште еднаш ви благодариме за поддршката!“, стои во клупското соопштение.
Лејкерс викендов ги совладаа Мајами Хит со 106:93 за вкупни 4-2 во финалната серија од НБА сезоната 2019/20.
Со тоа заврши една сезона на НБА каква што не сме виделе досега.
Тешко е да се одлучи дали најголема трага остави трагичната смрт на Коби Брајант или целокупниот хаос околу пандемијата на коронавирусот што остави многу последици за играчите, тимовите и организациите.
Симболично, токму Лејкерс на Брајант ја освоија својата 17-та титула во историјата, предводени од Леброн Џејмс.
Исто така, сезонава се истакнаа Никола Јокиќ и Денвер Нагетс, кои играа над очекувањата и се пласираа во финалето на Западната конференција.
На социјалните мрежи се појави одлично резиме на целата сезона скоцкао во едно видео со многу интересни факти и занимливости.
Вреди да се погледне:
