Популарната апликација Snapchat бележи најголем раст во период од неколку години.
Бројот на дневни активни корисници на Snapchat се зголеми на 293 милиони, што е зголемување за 23% во однос на истиот период минатата година. Ова е всушност најголемиот раст во изминатите неколку години, а исто така се подобри и претходниот најголем раст од 22% забележан пред четири години. Растот на Snapchat го надмина и оној на Twitter, кој бележи 206 милиони активни корисници дневно во вториот квартал.
Вкупните приходи се зголемија за импресивни 116% на 982 милиони американски долари, што е најдобар резултат досега. Растот е побрз дури и во споредба со Twitter и Facebook.
Сè повеќе популарна е функцијата Sporlight слична на TikTok, која им плаќа на корисниците за нивните клипови. Бројот на дневни активни корисници на Spotlight се зголеми за 49%, а просечната количина на дневно објавена содржина е повеќе од трипати поголема.
Растот главно се припишува на заклучувањето воведено како резултат на пандемијата на коронавирусот, но и на подобрената апликација за Android.