Неодамна Хабиб Нурмагомедов се повлече од ММА борбите, откако ја извојува неговата 29 победа во кариерата и тој е единствениот елитен борач кој заминал во пензија без пораз во ММА.
Но, додека нема изгубено борба во ММА, пред 15 години Хабиб доживеал пораз на еден комбат самбо турнир. Снимката од тој пораз, за кој руските медиуми тврдат дека е единствениот во кариерата, повторно стана хит на социјалните мрежи откако Дагестанецот најави повлекување.
На 17-годишна возраст Хабиб бил во финалето на самбо првенството во Русија до 68 кг, а неговиот противник бил 20-годишниот Магомед Ибрагимов од Чеченија.
По поразот, младиот Дагестанец клекнал и заплакал, не можејќи да ги сокрие чувствата по борбата.
