Снимки од дрон откриваат дека е почната изградбата на футуристичкиот град што Саудиска Арабија претходно го најави.
Видеото е снимено од саудиска компанија зa Ot Sky, а од него се гледа почетокот на работата на мегаградот наречен The Line.
Станува збор за град што се гради во склоп на развојниот проект Neom, а се очекува дека ќе биде долг неверојатни 170 километри.
Покрај градот, ќе се градат и многу други проекти како ски-центри и сместувања за саудиската влада. Од снимката може да се видат бројни градежни машини како копаат широк линеарен ров во пустината, а на теренот се следи и нивниот напредок.
Се гледаат и снимки од џиновска дупка која би можела да значи почеток на изградба на транспортен систем што ќе се гради под самиот град. Осмислен е така што ќе го намали нарушувањето на природата, а се надеваат дека со користење на брзи возови жителите ќе можат да патуваат од еден крај на друг за само 20 минути.
The Line официјално беше претставен на почетокот од годината и е дизајниран за сместување на 9 милиони луѓе. Ќе биде висок 500 метри и ќе има „фасада огледало“. Се очекува да биде приближно со иста големина како државата Масачусетс во САД.
Во целост ќе се снабдува од обновливи извори на енергија. Плановите за изградба ги одобри престолонаследникот Мохамед бин Салман Ал Сауд и многумина се сомневаат дека ќе биде изградена поради својата амбициозна природа.
Принцот тврди дека проектот ќе биде завршен до 2030 година, но инженерите предупредија дека тоа би можело да потрае и до 50 години, додека изградбата не биде целосно завршена.