Овој едноставен рецепт за чоколадни триаголници е совршен за сите љубители на колачи. Комбинацијата од сочно чоколадо, сок од портокал и крцкави бисквити ќе создаде вкусен десерт што ќе ви се допадне.
Подготовката е брза, а резултатот е неверојатно вкусен.
Потребни состојки:
- 200 гр шеќер
- 100 мл сок од портокал
- 130 гр путер
- 300 гр мелени бисквити
- 300 гр чоколадо
Подготовка:
Во големо тенџере ставете ги шеќерот и сокот од портокал и варете ги на средна топлина додека шеќерот целосно не се раствори. Откако ќе се раствори шеќерот, додадете ги путерот и чоколадото. Мешајте додека да се растопи чоколадото и смесата да стане мазна.
Тргнете ја тавата од оган и додајте ги мелените бисквити. Добро измешајте за да се соединат сите состојки.
Оставете ја смесата малку да се излади за полесно да се обликува во триаголни парчиња. Во меѓувреме, обложете метален калап со фолија и приготвената смеса додадете ја во калапот.
Калапот се става во фрижидер неколку часа, додека смесата не стане цврста. Откако смесата ќе се излади и стврдне, извадете го колачот од калапот и исечете го на триаголници со саканата дебелина.
Ако сакате да додадете дополнителни состојки како желе или бадеми, направете го тоа откако ќе ги додадете мелените бисквити во смесата.
