Терминот сој е специфичен за вирусот SARS-CoV-2, но не и за COVID-19, болеста што вирусот ја предизвикува, објаснува Жан-Пол Соси, студент од Универзитетот во Торонто.
Соси истакнува дека варијанта на вирусот е коректен термин за користење кога се класифицира познатиот вирус кој развил „специфична група на мутации“, која предизвикува таа варијанта да се однесува поразлично од сојот на вирусот од кој потекнува.
„Сојот на вируси има јасни одлики и предизвикува точно одредена реакција на имунитетот. Има многу варијанти кои во многу случаи ќе бидат мал збир мутации и поинакви типови на генетски линии од тој сој“, објаснува Соси.
Одреден сој на вирусот се смета за варијанта кога има доволно мутации во себе кои менуваат помал дел од неговиот генетски код. Соси додава дека британската варијанта на новиот коронавирус го задоволува тој услов.
Тоа е варијантата позната како B.1.1.7. и полесно се шири меѓу населението поради серија мутации откриени во нејзиниот генетски код. Според британски експерти, таа варијанта на коронавирусот е до 70 проценти позаразна од оригиналниот вирус.
Сепак, досега забележаните варијанти припаѓаат на сојот на вирусот SARS-CoV-2.
Вирусите често мутираат, но некои вируси тоа го прават почесто од другите, вели д-р Лиса Барет, канадски експерт за инфективни болести.
Додека генетскиот код на коронавирусот се менува со текот на времето, мутациите обично не се причина за грижа.
„Не мора да ја препознаеме секоја варијанта на овој вирус, но мора да одредиме кои се најважни, а за таа работа се потребни еден месец до два“, истакнува докторката.