„Црвените ѓаволи“ патуваат на „Енфилд“ како лидери во Премиер лигата, но на ова гостување немаат победа од 2016 година.
Оле Гунар Солскјер вели дека би било шокантно доколку Манчестер Јунајтед победи в недела на гостувањето кај актуелниот шампион Ливерпул.
Тимот предводен од норвешкиот стратег на „Енфилд“ доаѓа како лидер со 3 бода предност токму пред Ливерпул на Јирген Клоп, а воедно и се наоѓа во одлична форма. Манчестер ја нема почувствувано горчината на поразот од ноември кога загуби од Арсенал.
Сепак, и покрај сите овие работи кои одат во корист на Јунајтед, Солскјер го гледа Ливерпул како апсолутен фаворит.
„Доколку ги погледнете последните неколку сезони, наша победа би значела изненадување и шок. Нашата позиција во моментов е производ на напорната работа која ја правиме на тренинзите и она што играчите го прикажуваат секојдневно, па веројатно и заслужуваме да сме каде што и сме“, рече Солскјер.
„Не верувам дека некој не би помислив дека ќе биде изненадување ако му избегаме 6 бода на Ливерпул и тоа со победа на 'Енфилд'. Едвај го чекаме натпреварот и се надеваме на изненадување“, заврши Норвежанецот.
Дербито Ливерпул - Манчестер Јунајтед се игра в недела од 17:30 часот во рамките на 19. премиерлигашко коло.
